ევროპარლამენტის ყოფილი ვიცე-პრეზიდენტი ევა კაილი, რომელიც ევროპარლამენტში მომხდარი კორუფციული სკანდალში გაეხვა, ოთხშაბათს, 12 აპრილს გაათავისუფლეს ციხიდან, სადაც ოთხ თვეზე მეტი გაატარა.
ყოფილ დეპუტატს შინაპატიმრობა მიესაჯა.მას ასევე ელექტრონული სამაჯურის ტარებაც მოუწევს. აღნიშნული მისმა ადვოკატმა სვენ მერიმ დაადასტურა.
"მეტ კომენტარს არ გავაკეთებ, გარდა იმისა, რომ ეს არის ლოგიკური გადაწყვეტილება, რომლის მიღებასაც ძალიან დიდი დრო დასჭირდა", - თქვა მერიმ.
ინფორმაცია ბელგიის ფედერალურმა პროკურატურამაც დაადასტურა.
გადაწყვეტილება მოულოდნელი იყო, რადგან ის გამოცხადდა ხუთშაბათს დილით მოსამართლის წინაშე დაგეგმილ გამოცხადებამდე ერთი დღით ადრე.
ევა კაილი კორუფციის ბრალდებით 9 დეკემბერს დააკავეს. მაშინ ბელგიის პოლიციამ ევროპარლამენტის ხელმძღვანელებთან დაახლოებული კიდევ რამდენიმე პირის სახლში ჩხრეკა ჩაატარა და შედეგად დააკავა სულ მცირე 4 ადამიანი. ბელგიის პოლიციამ 1.5 მილიონ ევროზე მეტი ნაღდი ფული ამოიღო სახლებისა და ოფისების ათობით ჩხრეკის შედეგად.
დაკავებულები ეჭვმიტანილები იყვნენ კორუფციაში და კატარის ინტერესების ლობირებაში ფეხბურთის მსოფლიო ჩემპიონატის იქ ჩატარებასთან დაკავშირებით.
ბრალდების თანახმად, საქმე მოიცავს დიდ თანხებს და სოლიდურ საჩუქრებს, რომლებიც სავარაუდოდ გადაიხადეს კატარმა და მაროკომ ევროპული პოლიტიკის შემუშავებაზე გავლენის მოხდენის მიზნით. ორივე ქვეყანა უარყოფს რაიმე სახის დარღვევას. ბრალდებას უარყოფს.ევა კაილიც.
