მოლდოვის პრეზიდენტმა მაია სანდუმ მოქალაქეებს 21 მაისს კიშინიოვში შეკრებისკენ და ქვეყნის ევროპული მომავლის მხარდაჭერისკენ მოუწოდა.
"მე წამოვაყენე ინიციატივა, მოვიწვიოთ მოქალაქეთა შეხვედრა კიშინიოვში, რათა ვუთხრათ მსოფლიოს, რომ ჩვენ ვართ ევროპელები და ეს არის გზა, რომელიც ჩვენ ავირჩიეთ.
მოვუწოდებ ყველას - ფერმერებს, მასწავლებლებს, სტუდენტებს, არასამთავრობო ორგანიზაციებს, მეწარმეებს, ექიმებს, კულტურის მოღვაწეებს, კერძო სექტორის თანამშრომლებს, საჯარო მოხელეებს - გავერთიანდეთ და მხარი დავუჭიროთ ჩვენს საერთო ოცნებას. მოდით ვაჩვენოთ, რომ ჩვენ გვინდა მშვიდობა. ჩვენ გვინდა, რომ ევროკავშირი სახლში იყოს ჩვენთან ერთად," - განაცხადა პრეზიდენტმა სატელევიზიო მიმართვისას.
მოლდოვა, რომელსაც ევროკავშირის კანდიდატის სტატუსი მიენიჭა 2022 წლის ივნისში, რუსეთის უკრაინაში სრულმასშტაბიანი შეჭრის შემდეგ მზარდ ზეწოლას განიცდის.
