ბრიტანეთის დაზვერვის ინფორმაციით, რუსეთის საჰაერო-სადესანტო ძალების ТОС-1А-ს ტიპის თერმობარული იარაღით აღჭურვა მოწმობს, რომ მომავალში უკრაინაში სადესანტო ძალების როლი შეტევით ოპერაციებში გაიზრდება.
უწყებაში ყუადღებას ამახვილებენ რუსული მედიის ინფორაციებზე რუსეთის საჰაერო-სადესანტო ჯარებისთვის ТОС-1А-ს ტიპის თერმობარული ზალპური ცეცხლის რეაქტიული სისტემების გადაცემაზე.
როგორც იუწყებიან, ძლიერ გამანადგურებელი ТОС-1А-ს ტიპის შეიარაღება ჩვეულებრივ გამოიყენება რუსეთის სპეციალიზებული ქიმიური, ბიოლოგიური და რადიოლოგიური თავდაცვის ძალების მიერ უკრაინაში და ის მანამდე ოფიციალურად არ იყო დაკავშირებული მედესანტეებთან.
„ეს, სავარაუდოდ, მიანიშნებს უკრაინაში შეტევით ოპერაციებში საჰაერო-სადესანტო ძალების როლზე. ეს, სავარაუოდ, არის ძალისხმევის ნაწილი აღადგინონ მედესანტეების პოტენციალი მას შედეგ, რაც მათ დიდი დანაკარგი განიცადეს ომის პირველ ცხრა თვეში“, - ნათქვამია ანგარიშში.
როგორც ბრიტანეთის დაზვერვა 7 აპრილს იუწყებოდა, რუსეთმა ბახმუტის რაიონში დამატებითი ძალები გადაისროლა და ეფექტურად დაიწყო არტილერიის გამოყენება, რის შდეგადაც გარკვეულ წარმატებებს მიაღწია.
