როგორც 1989 წელს 9 აპრილს გვქონდა ვალდებულება, სამშობლო რუსებისგან გვეხსნა, დღესაც ზუსტად იგივე ვალდებულება დგას ჩვენს წინაშე, - ამის შესახებ რუსთაველის გამზირზე, პარლამენტის წინა მიმდინარე აქვიაზე საქართველოს ყოფილმა პრეზიდენტმა გიორგი მარგველასვილმა განაცხადა.
„მინდა პატივი მივაგო იმ ადამიანებს, ვინც 1989 წელს აქ იდგნენ, უიარაღოდ, სამშობლოს სიყვარულით გაერთიანებულები და ვისაც რუსეთის ჯარმა აქ უმოწყალოდ გადაუარა. აქ იდგა ჩემი თაობა და ჩემზე უფროსი თაობა. სამწუხაროდ, დღეს იმ პერიოდთან გვაერთიანებს ის, რომ მაშინაც მთავრობის სახლში იჯდა რუსეთიდან მართული კომუნისტური რეჟიმი და დღესაც საქართველოს მთავრობაში არის მოსკოვიდან მართული პუტინისტური ხელისუფლება. სამწუხაროდ, ეს არის საერთო ჩვენს დღევანდელ დღესა და 1989 წელს 9 აპრილს შორის. ეს არის სამწუხარო, მაგრამ ეს ნიშნავს იმას, რომ ჩვენ როგორც მაშინ გვქონდა ვალდებულება, რომ სამშობლო რუსებისგან გვეხსნა, დღესაც ზუსტად იგივე ვალდებულება დგას ჩვენს წინაშე. მიუხედავად იმისა, რომ მე ბევრი განსხვავებული შეხედულების ადამიანი ვნახე აქ, ჩვენ დღეს გვაერთიანებს ერთიანი მიზანი, ეს არის საქართველოს დაბრუნება თავისუფლების იმ ისტორიულ ერთა ოჯახში, რომელიც ავირჩიეთ მე-4 საუკუნეში და არა გუშინ წინ. მე-4 საუკუნეში, როდესაც ვთქვით, რომ ვართ ქრისტიანული ერი, მაშინ ვთქვით, რომ ვართ ევროპის ნაწილი და არა აღმოსავლეთის. მაშინ განვსაზღვრეთ ეს. დღეს არ უნდა დავუშვათ ამის შებრუნება. დღეს ის ღვაწლი, რომელიც აქ ჩემმა თაობამ, ჩემმა უფროსმა თაობამ 1989 წელს გაიღო, არ უნდა იყოს გაფანტული და დაკარგული,“ - განაცხადა მარგველაშვილმა.
პარლამენტის წინ მიმდინარეობს "ერთიანი ნაციონალური მოძრაობის" მიერ ორგანიზებული აქცია"ერთად ევროპაში".
ფოტო: რადიო თავისუფლება
