საფრანგეთის დედაქალაქ პარიზსა და ქალაქ რენში საპენსიო რეფორმის წინააღმდეგ დაწყებული საპროტესტო მსვლელობა პოლიციასთან დაპირისპირებაში გადაიზარდა.
სპეცრაზმმა აქციის მონაწილეების წინააღმდეგ ცრემლსადენი გაზი გამოიყენა. პარიზში დემონსტრანტებმა მთავარ აეროპორტთან მანქანების მოძრაობა შეაფერხეს. გადაწვეს კაფე, რომელსაც საფრანგეთის პრეზიდენტი, ემანუელ მაკრონი ხშირად სტუმრობდა.
პროტესტის საფრანგეთის ქალაქებში მას შემდეგ განახლდა, რაც ქვეყნის პრემიერ-მინისტრმა, ელისაბედ ბორნმა პროფკავშირების თხოვნა არ გაითვალისწინა და უარი თქვა სადავო საპენსიო კანონის გაუქმებაზე.
აღნიშნული კანონის თანახმად, მინიმალური საპენსიო ზღვარი ახლა 62 წლის ნაცვლად, 64 წლიდან განისაზღვრება.
