უკრაინის პრეზიდენტმა ვოლოდიმირ ზელენსკიმ დაადასტურა, რომ დონეცკის ოლქის ქალაქ ბახმუტში ვითარება ყველაზე რთულია. მტერი ვერ აკონტროლებს ქალაქს, თუმცა თავდაცვის ძალების გასვლის გადაწყვეტილება შესალოა, პირადი შემადგენლობის დიდი დანაკარგის საფრთხის გამო მიიღონ.
ამის შესახებ ზელენსკიმ პოლონეთშო ანჯეი დუდასთან ერთობლივ პრესკონფერენციაზე განაცხადა.
„იქ ყოველდღიურად რთული ვითარებაა: ხან საკმარისია საარტილერიო ჭურვები, ხან დეფიციტია. ეს ხდება ყოველდღიურად. ხან წარმატებას ვაღწევთ ბახმუტის რომელიღაც უბანში და წინ მივიწევთ, თუ ასე არ არის კვლავ უკან პოზიციებზე ვიხევთ. მაგრამ, ჩვენ ვიმყოფებით ბახმუტში და მტერი ვერ აკონტროლებს ბახმუტს - ასეთი ვითარებაა დღეს.
ოპერატიულ ვითარებით დაკავებულია გენერალი სირსკი. ცხადია მისთვისაც და ჩემთვისაც, მთავარია - არ დავკარგოთ პირადი შემადგენლობა. ცხადია, თუ იქნება უფრო ცხელი მოვლენები და საფრთხე, რომ ჩვენ შესაძლოა, დავკარგოთ პირადი შემადგენლობა ალყის გამო, მიღებული იქნება ადგილზე გენერლის შესაბამისი სწორი გადაწყვეტილებები“, - განაცხადა ზელენსკიმ.
ამასთან, ზელენსკიმ აღნიშნა, რომ რაც უფრო სწრაფად ჩავა უკრაინაში შესაბამისი ამუნიცია საერთაშორისო პარტნიორებისგან, მით სწრაფად დაიბრუნებენ თავდაცვის ძალები უპირატესობას არა მხოლოდ ბახმუტში, არამედ შეხების მთელ ხაზზე.
