დღეს, 12 დეკემბერს, საქართველოს მართლმადიდებელი ეკლესია წმ. ასურელი მამის, აბიბოს ნეკრესელის ხსენებას აღნიშნავს.
ნეკრესის სამონასტრო კომპლექსში საზეიმო წირვას კულტურისა და ძეგლთა დაცვის მინისტრი ნიკოლოზ რურუა და საქართველოს კულტურული მემკვიდრეობის დაცვის ეროვნული სააგენტოს გენერალური დირექტორი ნიკოლოზ ვაჩეიშვილი დაესწრებიან.
საქართველოს კულტურული მემკვიდრეობის დაცვის ეროვნული სააგენტოს მიერ განხორციელებული უწყვეტი სამწლიანი სარეაბილიტაციო სამუშაობის შედეგად, კახეთის ერთ-ერთ უდიდეს სამონასტრო კომპლექსს პირვანდლი სახე დაუბრუნდა. ნეკრესის არქიტექტურულ ანსამბლში, რომელიც სხვადასხვა პერიოდის ნაგებობებს აერთიანებს გუმბათოვან ეკლესიასთან, ორ მცირე და სამეკლესიან ბაზილიკასთან ერთად, ნეკრესელის სასახლე, კოშკი-სამრეკლო. სატრაპეზო, საწნახელი საცხოვრებელი ოთახი და ორი მარანი სრულად აღდგენილია.
2008 წლიდან 2010 წლამდე ნეკრესის არქიტექტურული კომპლექსის რეაბილიტაცია მოიცავდა რამდენიმე ეტაპს დაწყებული ძეგლის კვლევითი დიაგნოსტიკური სამუშაობიდან, რომელიც საფუძვლად დაედო ნეკრესის საპროექტო დოკუმენტაციის შედგენას და შედეგად მონასტრის სრულ ფიზიკურ გაჯანსაღებას.
აღსანიშნავია, რომ ნეკრესის ტერიტორიაზე ჩატარებული კვლევითი-არქეოლოგიური სამუშაოებისას გამოვლინდა XII საუკუნის ტერასები და ამავე პერიოდის ორრეზერვუარიანი წყარო, რომელიც დაკონსერვებულია და ნეკრესისი ერთ-ერთ საინტერესო სანახაობას წარმოადგენს.
ძეგლთა დაცვითი სამუშაოების პარალელურად ნეკრესის სამონასტრო კომპლექსსში მოწყობილია ტურისტული ბილიკები და ინფრასტრუქტურა,
საქართველოს რეგიონული განვითარებისა და ინფრასტრუქტურის სამინისტროს მიერ კი განხორციელებული და დასრულებულია ნეკრესის მონასტრამდე მისასვლელი გზის მშენებლობა.
