დღეიდან ქობულეთში, 22 ათასზე მეტი აბონენტი სასმელ წყალს უკვე 24 საათიან რეჟიმში მიიღებს.
აჭარის ავტონომიური რესპუბლიკის მთავრობის თავმჯდომარემ ლევან ვარშალომიძემ და საქართველოს რეგიონული განვითარებისა და ინფრასტრუქტურის მინისტრმა რამაზ ნიკოლეიშვილმა ქობულეთის წყლის სათავე ნაგებობა გახსნეს, რომლის რეაბილიტაციაზე 6 მილიონ ლარამდე დაიხარჯა.
პროქტის ფარგლებში ქობულეთის წყალმომარაგების სრული რეაბილიტაცია განხორციელდა, გამოიცვალა წყლის მილები, აშენდა ახალი რეზერვუარი. პარალელურად, ქობულეთში ცენტრალური ქუჩების მოასფალტება მოხდა.
სარეაბილიტაციო სამუშაოები საქართველოს რეგიონული განვითარებისა და ინფრასტრუქტურის სამინისტრომ და მუნიციპალური განვითარების ფონდმა განახორციელეს.
