დსთ-დან გამოსვლით საქართველო წაგებული დარჩა - განაცხადა რუსეთის პრეზიდენტმა დიმიტრი მედვედევმა კრემლში დსთ-ს წევრი სახელმწიფოების ლიდერებთან შეხვედრაზე.
"დსთ-ს საქმიანობაში ყოველთვის იქნება რაღაც სირთულეები, მაგრამ ჩვენ არ გვაქვს სხვა მოედანი იმისათვის რათა ჩვენი ინტერესების შეთანხმება მოვახდინოთ პრაქტიკულად მთელი პოსტსაბჭოთა სივრცის ფარგლებში და სავარაუდოდ არც გვექნება", _ განაცხადა მედვედევმა პრესკონფერენციაზე და დააკონკრეტა - "ყველამ ვინც კი დატოვა ეს მოედანი - ამ შემთხვევაში მე საქართველოზე ვსაუბრობ არამგონია რამე მოეგოთ".
"მათ არა აქვთ საშუალება ყველა ქვეყანას ერთად ესაუბრონ, შეთანხმების ნაწილმა მათთვის ძალა დაკარგა. ეს კი ნიშნავს, რომ ასეთი ნეგატიური საშუალებითაც დსთ ამტკიცებს თავის შესაძლებლობასა და უნარს დაარეგულიროს ურთიერთობები სახელმწიფოებს შორის და გვეხმარება ჩვენ ერთად განვვითარდეთ", _ აღნიშნა მედვედევმა.
მასალის გამოყენების პირობები
