სასტუმრო "შერატონ მეტეხი პალასში" მეგზევის დღისადმი მიძღვნილი ღონისძიება გაიმართა. შეხვედრა საქართველოს რეგიონალური განვითარებისა და ინფრასტრუქტურის სამინისტროს საავტომობილო გზების დეპარტამენტის ორგანიზებით ჩატარდა.
ცერემონიას საქართველოს პრემიერ-მინისტრი ნიკა გილაური, საქართველოში აკრედიტებული დიპლომატიური კორპუსის წარმომადგენლები და საქართველოს საგზაო-სამშენებლო კომპანიების წარმომადგენლები ესწრებოდნენ.
შეხვედრაზე საავტომობილო გზების დეპარტამენტის 2010 წლის საგზაო-სამშენებლო და სარეაბილიტაციო სამუშაოების შემაჯამებელი ანგარიშის პრეზენტაციაც გაიმართა.
ერთ-ერთი ყველაზე მასშტაბური საგზაო პროექტის, სამცხე-ჯავახეთის გზის სარეაბილიტაციო სამუშაოების წარმატებით დასრულებისთვის, მშენებლობაში მონაწილე კომპანიებს მედლები და ღირსების ორდენები გადაეცათ.
