საქართველოში პატიმართა 80% სასჯელაღსრულების დაწესებულებში ევროპული სტანდარტების შესაბამისად იმყოფებიან.
ამის შესახებ სასჯელაღსრულების, პრობაციისა და იურიდიული დახმარების მინისტრმა ხათუნა კალმახელიძემ დღეს, ადამიანის უფლებათა დაცვის კომიტეტის სხდომაზე აღნიშნა.
როგორც კალმახელიძემ კომიტეტის წევრებს განუცხადა, პენიტენციალური სისტემაში ევროპული სტანდარტებისა და გატარებული რეფორმების შესასწავლად უცხოეთიდანაც ჩამოდიან.
ამასთან, სასჯელაღსრულების მინისტრმა 2011 წელს პრიორიტეტულ მიმართულებებზე ისაუბრა და აღნიშნა, რომ ამ კუთხით ლაითურის ციხის ამოქმედების შემდეგ ბათუმის, ზუგდიდისა და ხონის ძველი საპატიმრო დაწესებულებების დახურვა შესაძლებელი გახდება, ასევე აქტიური მუშაობა მიმდინარეობს გრძელვადიანი პაემნებისთვის საჭირო ინფრასტრუქტურის ასაშენებლად.
მინისტრი არ გამორიცხავს, რომ 2011 წლის პირველი ნახევრიდან პატიმრების ოჯახის წევრებს გრძელვადიანი პაემნების უფლება მიეცეთ.
