გრძელდება ვიცე პრემიერ-მინისტრ გიორგი ბარამიძის სამუშაო ვიზიტი აშშ-ში, სადაც ის შეხვედრებს მართავს მთავრობის, კონგრესის, არასამთავრობო სექტორისა და აკადემიური წრეების წარმომადგენლებთან. გიორგი ბარამიძემ შეხვედრა გამართა კონგრესის წევრთან ნატო-ს საპარლამენტო ასამბლეის ვიცე პრეზიდენტ ჯო ენ ემერსონსა, ნატო-ს საპარლამენტო ასამბლეის ვიცე პრეზიდენტ კონგრესმენ ჯონ ტანერსა და კონგრესის წევრ კაროლინ მაკქართისთან. შეხვედრაზე ამერიკულმა მხარემ მხარი დაუჭირა საქართველოს ტერიტორიულ მთლიანობას,საქართველოს ნატო-ში გაწევრიანებასა და ქვეყანაში მიმდინარე რეფორმებს.
ვიზიტის ფარგლებში გიორგი ბარამიძემ ასევე შეხვედრა გამართა სენატორ როჯერ ვიკერსა და წარმომადგენლობითი პალატის საგარეო კომიტეტის მომავალ თავმჯდომარესთან ილეანა როს ლეჰტინენთან. შეხვედრაზე საუბარი შეეხო საქართველო-ამერიკის ორმხრივ ურთიერთობებს,საქართველოს ნატო-ში ინტეგრაციის საკითხს, ოკუპირებულ ტერიტორიებზე არსებულ ვითარებასა და თავდაცვისა უსაფრთხოების სფეროში თანამშრომლობას.
სენატორმა როჯერ ვიკერმა შეხვედრისას მხარდაჭერა გამოხატა როგორც საქართველოს სუვერენიტეტის და ტერიტორიული მთლიანობისადმი , ასევე ნატო-ში საქართველოს გაწევრიანების მიმართ. სენატორმა საქართველოს მხარდაჭერა აღუთქვა როგორც ორმხრივ ისე მრავალმხრივ ფორმატში.
ილეანა როს ლეჰტინენმა გიორგი ბარამიძესთან შეხვედრისას დაგმო საქართველოს მიმართ რუსეთის აგრესია, ოკუპირებულ ტერიტორიებზე ადამიანის უფლებების უხეში დარღვევები და ილორის 11 საუკუნის ქართული მართლმადიდებლური ეკლესიის განადგურების ბარბაროსული აქტი. ხაზგასმით აღნიშნა ამერიკის სრული მხარდაჭერა საქართველოს მიმართ და რუსეთის მიერ ცეცხლის შეწყვეტის შესახებ ექვსპუნქტიანი შეთანხმებით ნაკისრი ვალდებულების შესრულებისა და ქვეყნის დეოკუპაციის აუცილებლობა.ილეანა როს ლეჰტინენმა მტკიცედ დაუჭირა მხარი საქართველოს ნატო-ში გაწევრიანებას დასაქართველოს თავდაცვისუნარიანობის გაძლიერებას.
