რუსმა სამართალდამცავებმა მოსკოვში 22 წლის ინგუშეთის მაცხოვრებელი დააკავეს, რომელიც რუსული მედიის ინფორმაციით, შესაძლოა უკანონო შეიარაღებული ფორმირების წევრი იყოს. რუსი სამართალდამცავები არც იმას გამორიცხავენ, რომ შესაძლოა 22 წლის გოგონა მოსკოვში მორიგი ტერორისტული აქტის განსახორციელებლად იყო ჩასული.
რუსული მედიის ინფორმაციით, მოსკოველმა სამართალდამცავებმა ინგუში კოლეგებისგან მიიღეს ინფორმაცია იმის შესახებ, რომ მოსკოვში გამგზავრებას 22 წლის კარაბულაკის მაცხოვრებელი აპირებდა. მათივე ინფორმაციით, შესაძლოა გოგონას ვაჰაბიტებთან და ბანდიტურ იატაკქვეშეთთან ჰქონოდა კავშირი. 22 წლის გოგო მის მიერვე განხორციელებული სატელეფონო ზარის შემდეგ დააკავეს.
"ინფორმაცია იმის შესახებ იყო თუ არა გოგონას ვიზიტის მიზანი მოსკოვში ტერაქტის განხორციელება მოწმდება", _ იუწყება რუსული მედია.
მასალის გამოყენების პირობები
