"ბერლინის კედელს", რომელიც აფხაზეთსა და ე.წ. სამხრეთ ოსეთშია აღმართული, ერთი თვისება აქვს - ის აუცილებლად ინგრევა", - ამის შესახებ საქართველოს შინაგან საქმეთა მინისტრმა ვანო მერაბიშვილმა "ეხო მოსკვისთვის" მიცემულ ინტერვიუში განაცხადა.
რუსეთის მიერ საქართველოს ოკუპირებულ რეგიონებზე საუბრისას, შს მინისტრმა იმედი გამოთქვა, რომ აღნიშნული "რეგიონების საზოგადოება ადრე თუ გვიან ალყაშემორტყმულ ცხოვრებაზე უარს იტყვის და საერთაშორისო საზოგადოებასთან კავშირს მოისურვებს".
"ასეთ შემთხვევაში, იმედია, ეს რეგიონები არჩევანს გაცილებით განვითარებულ და დემოკრატიულ ქვეყნებზე გააკეთებს", - დასძინა ვანო მერაბიშვილმა.
