ნაციონალური მოძრაობის წევრის, გიორგი ჩალაძის განცხადებით, უკვე ერთი კვირაა, რაც პოლონელი ექიმების საქართველოში ვიზიტი ყოვნდება.
"უკვე ერთი კვირაა ყოვნდება პოლონელი ექიმების საქართველოში ვიზიტი. ეს პოლონელი ექიმები ჩამოდიან არა თვითინიციატივით, არამედ ევროკავშირის 27 ქვეყნის ეგიდით, გაერთიანებული მისიით და ძალიან მნიშვნელოვანია მაშინ, როცა ემანუელ მაკრონი აკეთებს ასეთ განცხადებებს, მაშინ, როცა მთელი მსოფლიო ფეხზე დგას პრეზიდენტ სააკაშვილის გაუარესებული მდგომარეობის დროს, დროულად მოხდეს პოლონელი ექიმებისთვის ყველა ბიუროკრატიული პრობლემის მოგვარება და საშუალების მიცემა, პრეზიდენტ სააკაშვილი მოინახულონ. ეს იქნება 12 პურნქტიანი რეკომენდაციის შესრულებისთვის წინ გადადგმული ნაბიჯი".- ამბობს ჩალაძე.
მისივე თქმით, მიხეილ სააკაშვილის ოჯახის წევრებთან ერთად სტრასბურგში შეხვედრებს გამართავს. მისი თქმით, სტრასბურგში შეხვედრის დაწყებამდე ენმ-ის წევრები მიხეილ სააკაშვილის დედას, შვილსა და მაგნიტკსის სიის ავტორს, ბილ ბროუდერს შეხვდებიან.
საფრანგეთის პრეზიდენტის ემანუელ მაკრონის განცხადებით, მთავრობამ ხელში უნდა აიღოს მშვიდობისმყოფელი ინიციატივა და ის დაპატიმრებული პოლიტიკური ლიდერები, რომელთა ჯანმრთელობის მდგომარეობა მძიმეა, გაათავისუფლოს, რათასიტუაცია დამშვიდდეს.
