რუსი სამხედროები ბელგოროდისა და კურსკის ოლქებში თავდაცვით ხაზებს აგებენ, ამის მიზანი კი ომის შემსწავლელი ინსტიტუტის (ISW) ანალიტიკოსების აზრით, არის ის, რომ უკრაინა წარმოაჩინონ, როგორც საფრთხე რუსეთის ტერიტორიებისთვის.
ISW-ის ანგარიშში მოყვანილია ბელგოროდის ოლქის გუბერნატორის ვიაჩესლავ გლადკოვის განცხდება, რომელშიც აღნიშნულია, რომ უკრაინის საზღვრის გასწვრივ ხაზის მშენებლობა დასრულდა, რომლის აშენებაზეც 132 მლნ დოლარი დაიხარჯა. ISW-ის ანალიტიკოსები აღნიშნავენ, რომ ეს ფულის უმიზნო ხარჯვაა, განსაკუთრებით იმ ფონზე, როცა საკითხი ისმის უკრაინაში საომარი მოქმედებების დაფინანსების შესაძლებლობებზე.
ხაზის მშენებლობის შესახებ ანექსირებულ ყირიმში მოსკოვის მიერ დანიშნულმა ხელმძღვანელმა სერგეი აქსიონოვმა განაცხადა და აღნიშნა, რომ ეს რუსეთის პრეზიდენტის, ვლადიმირ პუტინის განკარგულება იყო.
ანგარიშში აღნიშნულია, რომ ანექსირებულ ყირიმში სიმაგრეები შენდება ფრონტის ხაზიდან დიდი მანძილის მოშორებით და მასში ჩართული არიან ადამიანები, რომლებსაც მეტად საჭირო საბრძოლო ამოცანები უნდა გადაეწყვიტათ. ანალიტიკოსების აზრით, ეს შესაძლოა, მოწმობდეს იმას, რომ მოსკოვი არ არის დარწმუნებული იმაში, რომ შეუძლია დიდხანს შეინარჩუნოს უკრაინის სამხრეთში ოკუპირებული ტერიტორიები.
