უკრაინა მიწვეულია NATO -ს სამიტზე, რომელიც ვილნიუსში გაიმართება და ალიანსის წევრი ქვეყნებისაგნ ველის უსაფრთხოების გარანტიებს. ამის შესახებ უკრაინის პრეზიდენტმა ვოლოდიმირ ზელენსკიმ ფინეთის პრემიერ-მინისტრთან სანა მარინისთან ერთობლივ ბრიფინგზე განაცხადა.
„დიახ, ჩვენ მიწვეულები ვართ, მაგრამ ვისურვებდით, რომ არსებობდეს ადეკვატური ნაბიჯები იმ სტატუსის გარდა, რომელიც დღეს NATO -სთან ურთიერთობებში გვაქვს“, - განაცხადა ზელენსკიმ.
მან მადლობა გადაუხადა NATO -ს ქვეყნებს ბრძოლის ველზე უკრაინის მხარდაჭერაში, თუმცა ამავე დროს აღნიშნა, რომ მნიშვნელოვანია უკრაინისთვის უსაფრთხოების გარანტიების მიცემა.
„მაშინაც კი, თუ ომის დროს ვერ შევუერთდებით NATO-ს, გვინდა რომ ადეკვატური უსაფრთხოების გარანტიები გვქონდეს ამ გზაზე, ვიდრე NATO -ში არ ვართ“, - აღნიშნა ზელენსკიმ.
