ლვოვის ოლქში რუსეთის სარაკეტო თავდასხმას ოთხი ადამიანი ემსხვერპლა. ამის შესახებ ლვოვის საოლქო-სამხედრო ადმინისტრაციის ხელმძღვანელმა მაქსიმ კოზიცკიმ განაცხადა.
„ზოლოჩევის რაიონში მტრის რაკეტა მოხვდა საცხოვრებელ უბანს. გაჩნდა ხანძარი, რომელიც უკვე ჩააქრეს“, - განაცხადა კოზიცკიმ.
ამ მომენტისთვის ცნობილია ოთხი დაღუპულის შესახებ. „დაიღუპა ორი კაცი და ორი ქალი. რაკეტის მოხვედრის მომენტში ისინი სახლში იმყოფებოდნენ, ნანგრევები ჯერ კიდევ გააქვთ, შეიძლება ნანგრევების ქვეშ ადამიანები იყვნენ მოყოლილი“, - აღნიშნა მან.
ხანძარმა სამი საცხოვრებელი, სამი ავტომობილი, ავტოფარეხი და რამდენიმე სამეურნეო ნაგებობა გაანადგურა.
