ნატო-ს გენერალური მდივანი იენს სტოლტენბერგი აცხადებს, რომ უახლეს დღეებში, შესაძლოა, ქალაქი ბახმუტი დაეცეს, თუმცა აუცილებელი არ არის ეს ომში გარდამტეხი აღმოჩნდეს.
ამის შესახებ ნატო-ს გენერალურმა მდივანმა, იენს სტოლტენბერგმა ევროკავშირის თავდაცვის მინისტრების შეხვედრაზე განაცხადა.
„რაც რუსეთს ხარისხობრივად აკლია, რაოდენობრივად ანაზღაურებას ცდილობს. მათ დიდი ზარალი განიცადეს. თუმცა, ამავდროულად, არ გამოვრიცხავთ, რომ ბახმუტი უახლოეს დღეებში დაეცეს. ეს მხოლოდ ხაზს უსვამს, რომ ჩვენ არასათანადოდ არ უნდა შევაფასოთ რუსეთი. ჩვენ უნდა გავაგრძელოთ უკრაინის მხარდაჭერა“, – თქვა იენს სტოლტენბერგმა.
