„ე.წ. აგენტების კანონთან დაკავშირებით ჩვენ უცხოელი პარტნიორები, ევროკავშირის წევრი სახელმწიფოები პირდაპირ და ცალსახად გვეუბნებიან, რომ ეს არ არის ევროპული საქმის კეთება“, - განაცხადა პარლამენტის პლენარულ სხდომაზე უფრაქციო პარლამენტის წევრმა, მიხეილ დაუშვილმა.
მისი თქმით, ასეთი კანონის მიღება მხოლოდ რუსეთის ინტერესებში შედის.
„ასეთი კანონის მიღება, რომელიც იქნება უკუსვლა დემოკრატიული განვითარების გზაზე, რომელიც იქნება უკუსვლა ევროინტეგრაციის გზაზე, რომელიც იქნება შემაფერხებელი საქართველოს ევროინტეგრაციის და რომელიც იქნება, ასევე, ძალიან დიდი დაბრკოლება კანდიდატის სტატუსის მიღების კონტექსტში, ერთადერთი ვის ინტერესებშიც შედის ეს არის რუსეთი, რომელიც არის ჩვენი ქვეყნის ოკუპანტი სახელმწიფო. შესაბამისად, ამ კანონის მიღება და ამ კანონპროექტებისთვის მხარდაჭერა იქნება და არის ცალსახად პრორუსული საქმის კეთება“, - განაცხადა მიხეილ დაუშვილმა.
