„ის ერთიანობა, რომელსაც ამ პარლამენტში, ჩვენ, ოპოზიციონერები ვგრძნობთ ხალხისგან - აუცილებლად გამოიღებს შედეგს. საქართველო აუცილებლად გახდება ევროკავშირის პერსპექტივის მქონე ქვეყანა, რომელსაც ამ კანონის მიღებით, უდიდესი საფრთხე ემუქრება. უამრავი ადამიანის და ორგანიზაციის სახელით, მოგიწოდებთ, არ მიიღოთ ეს გადაწყვეტილება და არ დაუჭიროთ ამ კანონს მხარი“, - ამის შესახებ თამარ კორძაიამ პარლამენტის პლენარულ სხდომაზე განაცხადა.
მან კოლეგებს გააცნო საქართველოში მოქმედი ორგანიზაციების, უნივერსიტეტებისა და ქვეყნის რიგითი მოქალაქეების განცხადებები „უცხოელი აგენტების რეგისტრაციის შესახებ“ და „უცხოური გავლენის გამჭვირვალობის შესახებ“ კანონპროექტებთან დაკავშირებით.
„მე ვცდილობ მოგაწვდინოთ იმ ადამიანების ხმა, რომლებიც ამ ქვეყანაში ცხოვრობენ, რომლებიც ხედავენ, რომ ამ კანონის მიღებით, ხელისუფლება მათ ართმევს სახელმწიფოებრივ პერსპექტივას“, - განაცხადა თამარ კორძაიამ.
