ამ პუტინისტებს და რუსებს დედა უნდა ვუტიროთ, მაგას განახებთ როგორ, – ამის შესახებ „ნაციონალური მოძრაობის“ თავმჯდომარემ, ლევან ხაბეიშვილმა ჟურნალისტებს იურიდიულ საკითხთა კომიტეტის სხდომის დატოვების შემდეგ განუცხადა, რომელზეც ცოტა ხნის წინ ფიზიკური დაპირისპირება მოხდა.
მისი თქმით, იმ პირებიდან, რომლებმაც ოპოზიციონერი დეპუტატები დარბაზიდან გაიყვანეს, არცერთი არ არის მანდატური.
„აქედან არცერთი არ არის მანდატური. სუს-ის თანამშრომლები არიან. ამ ბიჭების უმრავლესობა ნაომარია რუსეთში რუსების წინააღმდეგ და დღეს დააყენეს პუტინის კანონის დასაცავად. როგორ დავიჯერო, რომ რომელიმეს ეს უხარია. ვერ დამაჯერებთ, მაგრამ დგანან ანრი ოხანაშვილისა და ირაკლი კობახიძის დასაცავად. ეს ტრაგედიაა. ეს ხალხი გასათავისუფლებელია. სასაცილოდ გიგდებენ. გავა დრო და ეს სახეები, რომ პუტინის კანონს იცავდით, დარჩება. უბედურებაა, თქვენი უბედურება… ამ პუტინისტებს დედა უნდა ვუტიროთ, ხალხო, რაზე მელაპარაკებით. დედა უნდა ვუტიროთ პუტინისტებს და რუსებს. როგორ და ხალხთან ერთად. მაგას განახებთ, როგორ“, – განაცხადა ლევან ხაბეიშვილმა.
