გერმანიის კანცლერი ოლაფ შოლცი დღეს ვაშინგტონში ჩავა, სადაც პრეზიდენტ ჯო ბაიდენს შეხვდება.
შეხვედრაზე საუბარი იქნება უკრაინის დახმარებასა და ჩინეთის ქმედებებზე, რომელმაც შესაძლოა, რუსეთს ლეტალური იარაღი მიაწოდოს.
მედიის ცნობით, გერმანიის კანცლერი და აშშ-ის პრეზიდენტი ისაუბრებენ უკრაინის სამხედრო მხარდაჭერის გაგრძელების აუცილებლობაზე და გააფრთხილებენ ჩინეთს, არ მიაწოდოს შეიარაღება რუსეთს. ისინი განიხილავენ იმ ზომებს, რომელთა გატარებაც მოკავშირეებს შეუძლიათ, თუ პეკინი მაინც გაუწევს სამხედრო მხარდაჭერას მოსკოვს.
„ამ შეხვედრის მთავარი მიზანია ორ ლიდერს მიეცეს შესაძლებლობა, კოორდინაცია გაუწიონ მოქმედებებს კონკრეტულად უკრაინასთან დაკავშირებით“, - განაცხადა თეთრი სახლის წარმომადგენელმა.
გასულ კვირას ამერიკული მედია წყაროზე დაყრდნობით იუწყებოდა, რომ ჩინეთის მთავრობა განიხილავს რუსეთისთის უპილოტო საფრენი აპარატებისა და საბრძოლო მასალის მიწოდებას.
