საბერძნეთში სარკინიგზო კატასტროფის შედეგად დაღუპულთა რაოდენობა 57-მდე გაიზარდა. ინფორმაციას ბერძნული მედია ავრცელებს.
ბოლო მონაცემებით, დაშავებულთა შორის ექვსი ადამიანის მდგომარეობა კრიტიკულია, 70-ზე მეტი კლინიკებში მკურნალობას განაგრძობს.
სამგზავრო მატარებელი ათენიდან თესალონიკში მიემგზავრებოდა, სატვირთო მატარებელი კი – თესალონიკიდან ლარისში. სამგზავრო მატარებელში 350-მდე ადამიანი იმყოფებოდა. შეჯახების შედეგად სამგზავრო მატარებლის ოთხი ვაგონი რელსებიდან გადავარდა და ერთს ცეცხლი გაუჩნდა. ადგილობრივი ხელისუფლების წარმომადგენელთა თქმით, ორი ვაგონი თითქმის მთლიანად განადგურდა.
პრემიერ-მინისტრ კირიაკოს მიცოტაკისის განაცხადებით, ინციდენტის გამომწვევ მიზეზად ადამიანური ფაქტორი სახელდება.
დაკავებულია სადგურის ხელმძღვანელი, რომელსაც არაგანზრახ მკვლელობის ბრალდება აქვს წაყენებული. ბრალეულობას უარყოფს და მომხდარს ტექნიკურ გაუმართაობით ხსნის.
მომხდარი ტრაგედიის შემდეგ თანამდებობიდან გადადგა ტრანსპორტის მინისტრი.
