რუსული მედია ბრიანსკის გუბერნატორზე, ალექსანდრე ბოგომაზზე დაყრდნობით იუწყება, რომ სოფელ ლუბეჩანში, უკრაინელმა შეარაღებულმა პირებმა რამდენიმე ადგილობრივი მძევლად აიყვანეს.
მედიის ცნობით, სოფელ ლუბეჩანში უკრაინელი „დივერსანტები“ შეიჭრნენ. როგორც რუსული მედია ამტკიცებს, მათ ცეცხლი გაუხსნეს ავტომობილს, დიღუპა ერთი ადგილობრივი მცხოვრები.
ბოგომოზის თქმით, უკრაინის არმია დღეს ორ დასახლებულ პუნქტს უპილოტო აპარატებით დაესხა თავს.
„ამასთან, სოფელ სუშანში უკრაინული დრონის მიერ ნასროლი ჭურვის მოხვედრის შედეგად, დაიწვა საცხოვრებელი სახლი“, - წერს რუსული მედია. მისივე ცნობით, ბრიანსკის ოლქის ორ სოფელში მყოფ უკრაინელებთან ბრძოლაში ჩაერთო „როსგვარდიის“ დანაყოფები.
