პეტერბურგის პუკლოვოს აეროპორტი ამოუცნობი მფრინავი ობიექტის გამო ჩაიკეტა.
აეროპორტის ტერიტორიაზე გეგმა „ხალიჩა“ ამოქმედდა, რაც ნიშნავს სამხედრო და სამაშველო თვითმფრინავების გარდა ყველა თვითმფრინავის აეროპორტის საჰაერო სივრციდან დაუყოვნებლივ დაშვების ან გაყვანის მოთხოვნას. გეგმა „ხალიჩა“ მხოლოდ გამონაკლის შემთხვევებშია შემოღებული.
მედიის ცნობით, აეროპორტის თავზე საჰაერო სივრცე 200 კმ-ის რადიუსით არის ჩაკეტილი, ჰაერში დაფრინავენ სამხედრო თვითმფრინავები, თუმცა ობიექტი აღმოჩენილი არ არის.
დღეს, 28 თებერვალს ბრიანსკის ოლქის გუბერნატორმა ალექსანდრ ბოგომაზმა განაცხადა, რომ რეგიონში, სურაჟის რაიონის თავზე ჩამოაგდეს უკრაინული უპილოტო საფრენი აპარატი.
მანამდე Telegram-არხის, Shot-ის ცნობით, ტუაფსეში, ნავთობსაცავიდან 100 მეტრის დაშორებით ასაფეთქებელი ნივთიერებებით სავსე ორი უპილოტო საფრენი აპარატი აფეთქდა. აფეთქების შედეგად საქვაბე დაზიანდა, დაშავებულები არ არიან. ტუაფსეს რაიონის ხელმძღვანელმა სერგეი ბოიკომ ნავთობბაზის ტერიტორიაზე ხანძრის გაჩენის შესახებ ინფორმაცია დაადასტურა.
