ავიაკომპანია WizzAir 14 მარტიდან კიშინიოვის აეროპორტიდან რეისებს აჩერებს. ინფორმაციას მოლდოვური მედია ავრცელებს. კომპანიის აღნიშნულ გადაწყვეტილებას უსაფრთხოების მიზეზებით ხსნის. ინფორმაციას მოლდოვურ მედიას ქვეყნის სამოქალაქო ავიაციის უწყებაში უდასტურებენ.
„WizzAir-თვის მგზავრებისა და ეკიპაჟის უსაფრთხოება ძირითად პრიორიტეტად რჩება და მოლდოვაში ბოლო მოვლენების შედეგად და ქვეყნის საჰაერო სივრცეში მაღალი, თუმცა არა გარდაუვალი რისკის გამო, WizzAir-მა მიიღო რთული, თუმცა პასუხისმგებლიანი გადაწყვეტილება, 14 მარტიდან შეაჩეროს ყველა რეისი კიშინიოვში“, ავიაკომპანიის განცხადებაში, რომელსაც მოლდოვური მედია ავრცელებს.
მედიის ცნობით, WizzAir კიშინიოვის ნაცვლად, გაზრდის რეისების რაოდენობას რუმინეთის ქალაქ იასიში, რომელიც მოლდოვის დედაქალაქიდან 100 კილომეტრში მდებარეობს.
უკრაინაში რუსეთის მიერ დაწყებული ფართომასშტაბიანი საომარი მოქმედებების დაწყების შემდეგ, მოლდოვის ხელისუფლებამ განაცხადა, რომ მისი საჰაერო სივრცე რუსულმა რაკეტებმა, სულ მცირე, ორჯერ დაარღვიეს. თებერვლის დასაწყისში კი უკრაინისა და მოლდოვის მთავრობებმა განახადეს, რომ რუსეთი, შეაძლოა, მოლდოვაში ვითარების დესტაბილიზაციას გეგმავდეს.
