თურქეთში, მალათიას პროვინციაში, სადაც დღეს მორიგი მიწისძვრა მოხდა. თურქული მედიის ცნობით, ნანგრევებიდან 32 ადამიანი ამოიყვანეს.
სამაშველო-სამძებრო სამუშაოები ამ დრომდე გრძელდება.
დღეს, 27 თებერვალს მალათიას პროვინციაში 5,6 მაგნიტუდის სიმძლავრის მიწისძვრა მოხდა, დაიღუპა ერთი ადამიანი, დაშავებულთა საერთო რაოდენობა 110-მდე გაიზარდა.
ეს უკვე მესამე მიწისძვრაა თურქეთში 6 თებერვალს მომხდარი დამანგრეველი მიწისძვრის შემდეგ. 20 თებერვალს, განმეორებითი მიწისძვრის დროს 6 ადამიანი დაიღუპა და 300 დაშავდა.
6 თებერვალს თურქეთ-სირიის საზღვარზე დამანგრეველი მიწისძვრა მოხდა. სტიქიას ორივე ქვეყანაში 50 ათასზე მეტი ადამიანი ემსხვერპლა. ბოლო მონაცემებით, მხოლოდ თურქეთში 44 374 ადამიანია დაღუპული.
