დასავლეთის გეგმა რუსეთის დაყოფის შესახებ დოკუმენტირებულად დადასტურებულია, ეს მისი ერთადერთი მიზანია. ამის შესახებ რუსეთის პრეზიდენტმა ვლადიმირ პუტინმა „როსია 1“-თან ინტერვიუში განაცხადა. მისი თქმით, მოსკოვს დასავლეთის ქვეყნების პოლიტიკისთვის წინააღმდეგობა რომ არ გაეწია, რუსეთის ხალხთა ბედი - უპირველესად კი რუსი ხალხის, კარდინალურად შეიცვლებოდა.
„მე არც კი ვიცი, შეუძლია თუ არა ისეთ ეთნიკურ ჯგუფს, როგორიც რუსი ხალხია, გადარჩეს იმ სახით, როგორშიც ის დღეს არსებობს,“- თქვა პუტინმა.
პუტინის თქმით, დასავლეთის საერთო მიზანს წარმოადენდა ჯერ საბჭოთა კავშირის დაშლა, ახლა კი მისი ძირითადი ნაწილის - რუსეთის დაყოფას ცდილობს.
„შემდეგ, შესაძლოა, მიგვიღონ ე.წ. ცივილიზებულ ხალხთა ოჯახში, დასავლეთს სურს რუსეთი დაყოს სხვადასხვა სუბიექტად და შემდეგ მასზე თავისი კონტროლი დაამყაროს.
