პოლონეთში, Druzhba-ს ნავთობის მილსადენების რუსული ნავთობით მომარაგება შეწყვეტილია. ამის შესახებ ნავთობგადამამუშავებელი კომპანია PKN Orlen-ის ხელმძღვანელმა დანიელ ობაიტეკმა განაცხადა.
მის თქმით, კომპანია შექმნილ ვითარებას მზად დახვდა და უზრუნველყოფს ნედლეულის მიწოდებას.
„რუსეთიდან ნედლეულის მხოლოდ 10 პროცენტს ვიღებდით, ჩვენ მას ჩავანაცვლებთ სხვა წყაროებიდან მიღებული ნავთობით“, - წერს ობაიტეკი „ტვიტერში“.
ვარშავამ იმპორტი უკრაინაში რუსეთის შეჭრის შემდეგ შეამცირა.
Druzhba-ს მილსადენის მეშვეობით ნავთობი ასევე მიეწოდება გერმანიას, უნგრეთს, ჩეხეთსა და სლოვაკეთს. 5 დეკემბრიდან ევროკავშირმა უარი თქვა რუსული ნავთობის შეძენაზე, 5 თებერვლიდან ნავთობპრდუქტების შესყიდვა შეაჩერა. თუმცა სანქციები Druzhba-ს მილსადენით ექსპორტს არ შეხებია.
