დიდი ბრიტანეთის თვდაცვის სამინისტროს ინფორმაციით, რუსეთმა, სავარაუდოდ, ირანული დრონების მარაგი ამოწურა, რადგან აღნიშნული დრონებით განხორციელებული დარტყმები, ფაქტობრივად შეწყვეტილია. ამის შესახებ ნათქვამია დაზვერვის ახალ ანგარიშში.
დაახლოებით, 2023 წლის 15თებერვლიდან არ გავრცელებულა ინფორმცია, უკრაინის ტერიტორიაზე ირანული წარმოების დრონების გამოყენების შესახებ.
მანამდე უკრაინის შეიარაღებული ძალების განცხადებით, იანვრის ბოლოდან თებერვლის დასაწყისამდე უკრაინის ძალებმა Shahed-136 ტიპის 24 დრონი ჩამოაგდეს. ათობით უპილოტო საფრენი აპარატი კი 2023 წლის პირველივე დღეებში განადგურდა.
„უპილოტო საფრენი აპარატების მარაგის არარსებობა, სავარაუდოდ, მიუთითებს, რომ რუსეთმა არსებული მარაგი ამოწურა. რუსეთი სავარაუდოდ, მარაგის შევსებას შეეცდება“, - ნათქვამია ინფორმაციაში.
იმის მიუხედავად, რომ აღნიშნულ შეიარაღებას არ გააჩნია სამიზნის განადგურების კარგი გამოცდილება, რუსეთი, სავარაუდოდ, მას განიხილავს, როგორც სატყუარას, რათა უკრაინის საჰაერო თავდაცვის ყურადღება უფრო ეფექტური ფრთოსანი რაკტებისგან ამ შეიარაღებაზე გადაიტანოს.
