შეერთებული შტატების პრეზიდენტმა ჯო ბაიდენმა განაცხადა, რომ ჩინეთი თუ რუსეთს უკრაინის წინააღმდეგ ომში ლეტალურ იარაღს მიაწვდის აშშ-ს რეაგირება ექნება. ამის შესახებ ბაიდენმა ABC News-თან ინტერვიუში თქვა. „ჩვენ ვუპასუხებთ“, - აღნიშნა ბაიდენმა.
ამასთან, ამერიკის პრეზიდენტის თქმით, არ აქვს მოლოდინი, რომ ჩინეთი რუსეთს ლეტალურ იარაღს გაუგზავნის.
„არ მაქვს მოლოდინი... ჩინეთის მხრიდან რუსეთისთვის იარაღის მიწოდების დიდი ინიციატივის“, - თქვა ბაიდენმა.
„ეს იქნებოდა ის ზღვარი... სხვა სიტყვებით რომ ვთქვათ, ჩვენ დავუწესეთ მკაცრი სანქციები ნებისმიერს, ვინც ამას აკეთებდა“, - დასძინა ბაიდენმა
შეგახსენეთ, ცოტა ხნის წინ აშშ-ის სახელმწიფო მდივანმა ენტონი ბლინკენმა დაადასტურა მედიაში გავრცელებული ინფორმაცია, რომ ჩინეთი განიხილავს რუსეთისთვის ლეტალური სამხედრო დახმარების შესაძლებლობას, რომელიც შესაძლოა, გაიგზავნოს უკრაინაში რუსული აგრესიის მხარდასაჭერად.
