უკრაინის პრეზიდენტი ვოლოდიირ ზელესკი დარწმუნებულია, რომ გამარჯვება გამარჯვება აუცილებლად იქნება და უკრაინელ ხახს ამისთვის ყველაფერი გვაქვს, მოტივაცია, თავდაჯერებულობა, გვყავს მეგობრები, დიპლომატია. ამის შესახებ ზელენსკიმ კონფერენციაზე განაცხადა.
მისივე თქმით, უკრაინის გამარჯვებისკენ სწრაფვაში პარტნიორების თანადგომა მნიშვნელოვანია.
„ნამდვილად მინდა, გამარჯვებას ამ წელს მივაღწიოთ. ვფიქრობ, თუ ყველა ჩვენგანი – პარტნიორებიც და ჩვენც ქვეყნის შიგნით, ერთ მუშტად შეკრული დავრჩებით და პარტნიორები იქნებიან ერთიანნი ჩვენი გამარჯვებისკენ სწრაფვაში, რადგან ეს არის ღირებულების გამარჯვება, თუ ისინი შეასრულებენ ყველა თავის სიტყვას, გაუძლებენ ვადებს, მე ამის მჯერა. ჩვენ ყველა ჩვენს საშინაო ამოცანას თუ შევასრულებთ, ეს გამარჯვება აუცილებლად იქნება, ამაში დარწმუნებული ვარ. ძალიან მინდა, ეს წელს მოხდეს. ჩვენ ამისთვის ყველაფერი გვაქვს, გვაქვს მოტივაცია, თავდაჯერებულობა, გვყავს მეგობრები, დიპლომატია”, - განაცხადა ზელენსკიმ.
მისივე თქმით, უკრაინა მარტო არ არის, ჰყავს მეგობრები, რომლებიც ეხმარებიან, რომ ეს ომი და აგრესია არ გავრცელდეს.
“მკაფიოდ ვაცნობიერებთ, რა სურს პუტინს და კრემლს, ვაცნობიერებთ, რა სურს რუსეთის სამხედრო მეთაურობას. ამიტომ, მნიშვნელოვანია, ყველა ფოკუსირებული იყოს თავის წინაშე არსებულ ამოცანაზე“, – განაცხადა ვოლოდიმირ ზელენსკიმ.
