ბელგოროდის ოლქში რუსეთის თავდაცვის სამინისტროს თვითმფრინავი ჩამოვარდა. ამის შესახებ რეგიონის გუბერნატორი ვიაჩესლავ გლადკოვი იუწყება.
მისი ინფორმაციით, ადგილზე საგანგებო სიტუაციებისა და საგამოძიებო სამსახურების წარმომადგენლები მუშაობენ.
მოგვიანებით რუსულმა სააგენტო „ტასმა“ დააზუსტა, რომ ბელგოროდის ოლქში კატასტროფა სამხედრო თვითმფრინავმა სუ-24-მა განიცადა.
სააგენტოს ცნობით, თვითმფრინავი სოფლის განაპირას ჩავარდა, პილოტმა კატაპულტირება მოასწრო, მისი მდგომარეობა უცნობია. ჩამოვარდნის შემდეგ თვითმფრინავს ცეცხლი გაუჩნდა.
