რუსეთის უშიშროების საბჭოს თავმჯდომარის მოადგილე დმიტრი მედვედევი აცხადებს, რომ რუსეთი თუ უკრაინაში ომს წააგებს, დაიშლება და არსებობას შეწყვეტს.
„თუ რუსეთი შეწყვეტს სპეციალურ სამხედრო ოპერაციას, გამარჯვების გარეშე - რუსეთი აღარ იქნება, მას ნაწილებად დაშლიან“, - განაცხადა მედვედევმა.
ამასთან მედვედევი ამბობს, რომ ომი უკრაინაში დამთავრდება, თუ აშშ შეწყვეტს „კიევის რეჟიმისთვის“ იარაღის მიწოდებას.
ამასთან, მედვედევი ტრადიციულად არ ერიდება ბაიდენის შეურაცხმყოფელი სიტყვებით მოხსენიებას. „მარაზმი“, „უცნაური პაპა, რომელიც დაბნეული მზერით ლაპარაკობს პოლონეთიდან“, - თქვა ბაიდენზე მედვედევმა და აღნიშნა, რომ აშშ „მტრული სახელმწიფოა, რომელიც აფრქვევს სიძულვილს რუსეთის მიმართ“.
