რუსმა ოკუპანტებმა ხერსონზე იერიში მიიტანეს.
ხერსონის საოლქო სამხედრო ადმინისტრაციის ხელმძღვანელის ალექსანდრ პროკუდინის თქმით, ხერსონს რუსეთის საოკუპაციო ძალებმა ქალაქ „გრადის“ ტიპის რაკეტები ესროლეს. პროკუდინი მოქალაქეებს თავშეფრებში დარჩენისკენ მოუწოდებს.
„ხერსონი ცეცხლის ქვეშაა. სავარაუდოდ ეს „გრადია“. უკვე 20-მდე აფეთქება მოხდა. დარჩით თავშესაფრებსა და უსაფრთხო ადგილებში“, - ამბობს პროკუდინი.
ადგილობრივი მედიის ინფორმაცითი, რუსებმა დაბომბეს ხერსონის ცენტრი, რაკეტა მოხვდა საზოგადოებრივი ტრანსპორტის გაჩერებას, სადაც უამრავი ხალხი იმყოფებოდა. როგორც მედია იუწყება, დაბომბვის შედეგად არიან დაღუპულები და დაჭრილები, მათი რაოდენობის შესახებ ინფორმაცია არ ვრცელდება.
ასევე მედიის ცნობით, ერთ-ერთი რაკეტა მოხვდა საცხოვრებელ სახლს.
