"ერთიანი ნაციონალური მოძრაობის" წევრები და მიხეილ სააკაშვილის მხარდამჭერები "ქართული ოცნების" ოფისისკენ მსვლელობით მიდიან. "ოცნების" ოფისში სულ ცოტა ხანში უმრავლესობის სხდომა გაიმართება.
აქციის მონაწილეები მთავრობის კანცელარიის შენობიდან დაიძრნენ, სადაც მიხეილ სააკაშვილის გათავისუფლების მოთხოვნით აქცია იმართებოდა. აქციის მონაწილეები მიხეილ სააკაშვილის საზღვარგარეთ სამკურნალოდ გადაყვანას მოითხოვდნენ.
ადგილზე მობილიზებულია პოლიციაც.
