საფრანგეთის პრეზიდენტის ემანუელ მაკრონის სიტყვებს, რომ საფრანგეთს არასდროს სურდა რუსეთის განადგურება აღმოსავლეთ ევროპის ქვეყნებისგან განსხვავებით ლოგიკური საფუძველი არ გააჩნია. ამის შესახებ რუსეთის საგარეო საქმეთა სამინისტროს ოფიციალურმა წარმომადგენელმა მარია ზახაროვამ განაცხადა.
მისი თქმით, მოცემულ შეთხვევში ფრაზა „არასდროს“ უადგილოა, რადგან საფრანგეთი მაკრონით არ დაწყებულა.
„ნაპოლეონის ნეშტი კი, რომელსაც პატივს სცემენ სახელმწიფო დონეზე, განისვენებს პარიზის ცენტრში, საფრანგეთსა და რუსეთს უნდა ესმოდეს“, - ამბობს ზახაროვა.
მისი თქმით, მეორე შეუსაბამობა ისაა, რომ საფრანგეთი ნატო-ს წევრია, ალიანსი კი ყველა დოკუმენტში ასახელებს რუსეთს, როგორც თავის მოწინააღმდეგეს.
„პარიზი, შესაძლოა, ეწინააღმდეგებოდა, მაგრამ ვერაფერს გახდა და დაეთანხმა. იარაღის მიწოდების {უკრაინისთვის}, განცხადებების, რომ რუსეთის გამარჯვება დაუშვებელია, ფონზე სხვა ლოგიკური დასკვნა არ რჩება, გარდა ერთისა - მათ უნდათ ჩვენი განადგურება“, - აღნიშნავს ზახაროვა.
მისი თქმით, მაკრონი თავისი განცხადებებით „ ფასდაუდებელია“. მისივე თქმით, საფრანგეთის პრეზიდენტმა ღიად აღიარა, რომ დასავლეთი მთელი ამ წლების განმავლობაში დაკავებული იყო რუსეთის შიდა საქმეებში ჩარევით და ცდილობდა რუსეთში ხელისუფლების არაკონსტიტუციური გზით შეცვლას.
