ბულგარეთში, მიტოვებულ სატვირთო ავტომობილში 18 მიგრანტის ცხედარი აღმოაჩინეს. წინასწარი მონაცემებით, ისინი გაიგუდნენ. მიტოვებული სატვირთო გამვლელებმა სოფიადან 20 კმ-ში იპოვეს.
მანქანაში 52 ლტოლვილი იმყოფებოდა. წინასწარი ოფიციალური ინფორმაციით, ისინი ავღანეთიდან იყვნენ. კიდევ 34 გადარჩენილი საავადმყოფოებში გადაიყვანეს. ისინი გაყინულები და რამდენიმე დღის მშივრები იყვნენ.
ზოგიერთი მონაცემით გარდაცვლილთა შორის 6-7 წლის ბავშვია. კონტრაბანდისტები, რომლებსაც ლტოლვილები გადაჰყავდათ, მიიმალნენ. პოლიციამ ოთხი ეჭვმიტანილი დააკავა, რომლებიც ბულგარეთის მოქალაქეები არიან.
