ფინეთის პრემიერის სანა მარინის თქმით, ფინეთი იმავე პოზიციაზე რჩება, რომ ნატო-ში გაწევრიანება შვედეთან ერთად უნდა მოხდეს, შვედეთ-თურქეთის ურთიერთიბებში არსებული პრობლემების მიუხედავად.
ამის შესახებ სანა მარინიმ მიუნხენის უსაფრთხოების კონფერენციაზე განაცხადა.
„როდესაც ომი დაიწყო - იმავე დღეს ცხადი გახდა, რომ ფინეთი შეუერთდებოდა ნატო-ს. მაშინ ჩვენ გავგზანეთ სიგნალი, რომ ალიანსს შვედეთან ერთად შევუერთდებოდით და არა მხოლოდ ჩვენი განსაკუთრებული ურთიერთობების გამო. ასევე იმიტომ რომ ჩვენი ერთობლივი გაწევრიანება საუკეთესოა ნატო-სთვის, საერთო უსაფრთხოებისთვის“, - განაცხადა მან.
მარინის თქმით, აღნიშნული პოზიცია არ შეცვლილა და ანკარამ და ბუდაპეშტმა, რომლებიც ფაქტობრივად ბლოკავენ ნატო-ს გაფართოებას, მკაფიო სიგნალი მიიღეს მიდგომის უცველელობის შესახებ.
„მხოლოდ ჩვენი ინტერესი არ არის, გავხდეთ ალიანსის წევრები, ჩვენი წევრობა არის ნატო-ს ინტერესიც. ამიტომ თურქეთისა და უნგრეთის მიმართ, რომლებსაც ჯერ არ განუხორციელებიათ რატიფიცირება, ჩვენი მკაფიო გზავნილია, რომ ჩვენ გვინდა ნატო-ში ერთად შესვლა და ეს ყველას ინტერესია. ეს მათი გადასაწყვეტია, როგორ მოახდენენ რატიფიცირებას, მაგრამ ჩვენ გვინდა ნატო-ს წევრობა და გვინდა ერთად“, - განაცხადა მარინიმ.
