აშშ-ის შეიარაღებული ძალების შტაბების მეთაურთა კომიტეტის თავმჯდომარე, გენერალი მარკ მილი აცხადებს, რომ ომი უკრაინაში მოლაპარაკებათა მაგიდასთან დამთავრდება და სამხედრო მიზნებს ვერც ერთი მხარე მიაღწევს. ამის შესახებ გენერალმა Financial Times-თან ინტერვიუში განაცხადა.
„რუსეთისთვის თითქმის შეუძლებელი იქნება პოლიტიკურ მიზნებს სამხედრო გზით მიაღწიოს, ნაკლებად სავარაუდოა, რომ რუსეთი დაიპყრობს უკრაინას. ეს უბრალოდ არ მოხდება“, - თქვა მარკ მილიმ.
„წელს უკრაინისთვისაც ძალიან, ძალიან რთული იქნება რუსების განდევნა ოკუპირებული ტერიტორიიდან. თუმცა არ ნიშნვას, რომ ეს არ შეიძლება მოხდეს... მაგრამ უკიდურესად რთულიადა მოითხოვს, ფაქტობრივად რუსული არმიის დაშლას“, - აღნიშნა მილიმ.
შეკითხვაზე, მოვიდა თუ არა დიპლომატიის დრო მოსკოვსა და კიევს შორის, მილიმ განაცხადა: „გაზაფხულის დადგომამდე რამდენიმე კვირა დარჩა, მაგრამ ეს მოძრავი ფანჯარაა. შესაძლებლობები შეიძლება დროის ნებისმიერ მომენტში გაჩნდეს“.
თუმცა მისი თქმით, ორივე მხარე „საკმაოდ ძლიერად არის ორიენტირებული თავის მიზნებზე“ და არ სურთ მოლაპარკების გამართვა.
ცოტა ხნის წინ მილიმ განაცხადა, რომ ომის დაწყებიდან ერთი წლის შემდგ რუსეთმა წააგო სტრატეგიულად, ოპარატიულად და ტაქტიკურად.
მისივე თქმით, აშშ ვერ ხედავს ნიშნებს, რომ რუსეთი კიევს თავს დაესხმება.
