ბრიტანეთის დაზვერვაში ამბობენ, რომ რუსეთის სამხედრო ძალებს ჯერ კიდევ აქვთ საკმაოდ დიდი რაოდენობის თვითმფრინავი, თუმცა ნაკლებად სავარაუდოა, რომ მათ საჰაერო კამპანია გააფართოონ.
ანალიტიკოსები აღნიშნავენ, რომ რუსეთის საჰაერო ძალები უკრაინაში ომის მხარდასაჭერად ისეთივე რაოდენობის თვითმფრინავების განთავსებას აგრძელებენ, როგორც ამას მანამდე რამდენიმე თვის განმავლობაში აკეთებდნენ.
"რუსული დაფრენების მაჩვენებლები ბოლო ერთი კვირის განმავლობაში გაიზარდა, საჰაერო აქტივობა ახლა დაახლოებით შეესაბამება საშუალო დღიურ მაჩვენებელს, რომელიც 2022 წლის ზაფხულიდან აღინიშნებოდა". – აღნიშნულია ანგარიშში.
ბრიტანეთის დაზვერვას მიაჩნია,, რომ რუსული საჰაერო ძალები ომში ბევრად უფრო მცირე როლის შესრულებას გრძელებენ, რუსული საბრძოლო თვითმფრინავები მოქმედებენ თითქმის ექსკლუზიურად რუსეთის მიერ კონტროლირებადი ტერიტორიიდან, რაც ამცირებს მათი გამოყენების ეფექტურობას.
