კრემლი უკრაინის წინააღმდეგ ხანგრძლივი ომისთვის ემზადება, მაგრამ რუსეთის ელიტას გამარჯვების უკვე აღარ სჯერა. ამის შესახებ სააგენტო Reuters-ს კრემლთან დაახლოებულმა პირება უთხრეს.
გამოცემა აღნიშნავს, რომ უკარაინაში შეჭრით, ვლადიმრი პუტინი გეგმავდა „ცივ ომში“ საბჭოტა კავშირის დამარცხებისთვის დასავლეთისთვის რევანში აეღო, თუმცა ახლა კრემლში ოპტიმიზმი შემცირდა.
„შემდეგში კიდევ უფრო რთული და მძიმე იქნება, როგორც უკრაინისთვის, ისე რუსეთისთვის. ასეთი მასშტაბის ეკონომიკური დანაკარგები არ ღირს რამდენიმე დაპყრობილ ტერიტორიად“, - განუცხადა სააგენტოს რუსმა მაღალჩინოსანმა.
მისი თქმით, რუსული ელიტის ბევრი წარმომადგენელი აღნიშნულ მოსაზრებას იზიარებს, თუმცა ღიად ამის თქმა არ შეუძლიათ.
„მე არ მჯერა არც მასშტაბური შეტევის, არც რუსეთის გამარჯვების მთელ ცივილიზებულ სამყაროზე“, - თქვა სააგენტოსთან საუბარში კიდევ ერთმა წყარომ.
წყაროს თქმით, რუსეთის ელიტას ესმის, რომ მათი ქვეყანა წამგებიან მდგომარეობაში იმყოფება, როგორც სამხედრო ტექნოლოგიის, ისე მოტივაციის მხრივ, თუმცა ომი კიდევ დიდხანს გაგრძელდება.
სააგენტოს წყაროების თქმით, პუტინს ამ დრომდე არ ჰყავს სერიოზული მეტოქე ხელისუფლებისთვის ბრძოლაში. მათივე თქმით, რუსი დიქტატორი კვლავ მარტივად გაიმარჯვებს 2024 წლის მარტის საპრეზიდენტო არჩევნებში.
