უკრაინის პრეზიდენტმა ვოლოდიმირ ზელენსკიმ ხელი მოაწერა ბრძანებას რუსეთთან დაკავშირებული 200 პირის მიმართ პერსონალური სანქციების შემოღების შესახებ. სანქციები დაუწესდა რუსეთის 199 და უკრაინის ერთ მოქალაქეს. უკრაინელი - ზაპოროჟიეს ატომური ელექტროსადგურის მთავარი ინჟინერის მოადგილე იური ჩერნიჩუკია, რომელიც რუსების მხარეს გადავიდა.
უკრაინული მედიის ცნობით, ჩერნიჩუკი ოკუპანტებმა „ზაპოროჟიეს ატომური ელექტროსადგურის დირექტორად“ დანიშნეს.
რუს სანქცირებულ პირებს შორის არიან
„როსენერგოატომის“ ხელმძღვანელი ანდრეი პეტროვი, რუსეთის პრეზიდენტის ვლადიმირ პუტინის მრჩეველი საგარეო პოლიტიკის საკითხებში იური უშაკოვი, ასევე მსხვილი ბიზნესის მფლობელები და მენეჯერები, რომლებიც ომისთვის მუშაობენ.
