„ნაციონალურმა მოძრაობამ“ შეკვეთილში, ბიძინა ივანიშვილის სახლის მიმდებარედ, საპროტესტო აქცია გამართა. აქციის მონაწილეებმა მიხეილ სააკაშვილის გათავისუფლება მოითხოვეს.
აქციის მონაწილეებს მიმართა „ერთიანი ნაციონალური მოძრაობის“ თავმჯდომარემ, ლევან ხაბეიშვილმა და განაცხადა, რომ მათ დანებების უფლება არ აქვთ.
„ჩვენ უნდა ვიმოქმედოთ და აუცილებლად გავიმარჯვებთ. ვინც გეტყვით, რომ ბრძოლას არ აქვს აზრი. იცოდეთ, რომ ის (ივანიშვილი) არის ქვეყნის მტერი და რუსი ოლიგარქის მსახური. ვინც გეუბნებათ, რომ ერთმანეთი უნდა გავლანძღოთ და ერთმანეთს უნდა დავუპირისპირდეთ, მას არ უნდა ჩვენი ქვეყნის ერთობა და გამარჯვება“.
