რუსეთს არ აქვს რესურსი, რომ 24 თებერვალს, სრულმაშტაბიანი შეჭრის წლისთავზე, ფართომასშტაბიანი შეტევა დაიწყოს. ამის შესახებ უკრაინის დაზვერვის მთავარი სამმართველოს წარმომადგენელმა ანდრეი ჩერნიაკმა უკრაინულ მედიას განუცხადა.
ჩერნიაკის განცხადებით, რუსეთი უახლოეს კვირებში გეგმავს ძალისხმევის გააქტიურებას უკრაინის აღმოსავლეთში. მისივე თქმით, ახლა რუსეთი ცდილობს იპოვოს უკრაინის თავდაცვის სუსტი ადგილი.
„თუმცა, ჩვენი ინფორმაციით, რუსეთის სარდლობას არ აქვს საკმარისი რესურსი ფართომასშტაბიანი შეტევითი მოქმედებების დასაწყებად.
რუსეთის არმიის მთავარ ამოცანად რჩება უკრაინის აღმოსავლეთში გარკვეული წარმატების მიღწევა.
რუსეთი მაღალი სიზუსტის იარაღის დეფიციტს განიცდის, ამის მიუხედავად, ის აგრძელებს სარაკეტო ტერორს უკრაინის მშვიდობიანი მოსახლეობის წინააღმდეგ. რუსებმა უკვე გამოიყენეს მაღალი სიზუსტის რაკეტების 80 პროცენტი.
ისინი ცდილობენ აღადგინონ თავიანთი წარმოება, მაგრამ ამას ჯერ ვერ ახერხებენ“, - განაცხადა ჩერნიაკმა.
