უკრაინის პრეზიდენტი ვოლოდიმირ ზელენსკი უკრაინის წინააღმდეგ რუსეთის მასირებულ სარაკეტო იერიშს ეხმიანება.
“მტერმა დღეს დილიდან სულ მცირე 70 რაკეტა გაუშვა მორიგი მასირებული თავდასხმისას. ჩამოგდებულია სულ მცირე 60 რაკეტა. მათი ყველა სამიზნე იყო მშვიდობიანი მოსახლეობა, სამოქალაქო ინფრასტრუქტურა. სამწუხაროდ არის მსხვერპლი, სამძიმარს ვუცხადებ მათ ახლობლებს“, - თქვა ზელენსკიმ ვიდეომიმართვისას.
მისივე თქმით, რამდენიმე რუსული რაკეტა მოლდოვისა და რუმინეთის საჰაერო სივრცეში შეიჭრა. „ეს რაკეტები - ნატო-ს, კოლექტიური უსაფრთხოების გამოწვევაა. ეს არის ტერორი, რომელიც უნდა შეჩერდეს. მსოფლიომ უნდა შეაჩეროს“, - განაცხადა ზელენსკიმ.
მან მადლობა გადაუხადა უკრაინის საჰაერო ძალებს, ყველას ვინც იცავს უკრაინას და უკარინელ ხალხს.
10 თებერვალს, დილით, უკრაინის მთელს ტერიტორიაზე საჰაერო განგაში გამოცხადდა. რუსეთის ძალებმა სარაკეტო იერიში მიიტანეს ინფრასტრუქტურის ობიექტებზე.
უკრაინელმა სამხედროებმა 71-დან 61 რაკეტა ჩამოაგდეს.
