რუმინეთის თავდაცვის სამინისტრო არ ადასტურებს უკრაინის შეიარაღებული ძალების მთავრასარდლის ვალერი ზალუჟნის განცხადებას რუმინეთის საჰაერო სივრცეში რუსული ფრთოსანი რაკეტების შეჭრის შესახებ.
უწყების განცხადებით, სამხედროებმა დააფიქსირეს შავი ზღვის აკვატორიიდან გაშვებული რაკეტა რუმინეთის საზღვრიდან 35-კმ-ში და მას რუმინეთის საჰაერო სივრცე არ გადაუკვეთავს.
დღეს, ვალერი ზალუჟნიმ განაცხადა, რო „კალიბრის“ ტიპის ორი რუსული ფრთოსანი რაკეტა ნატო-ს წევრი ქვეყნის - რუმინეთისა და მოლდოვის საჰაერო სივრცეში შეიჭრა და შემდეგ კვლავ უკრაინის საჰაერო სივრცეში შევიდა.
მოლდოვის თავდაცვის სამინისტრომ დაადასტურა, რომ უკრაინის მიმართულებით გაშვებულმა რაკეტამ ქვეყნის ტერიტორია გადაკვეთა. არსებული ინფორმაციით, მოლდოვის საგარეო საქმეთა სამინისტროში რუსეთის ელჩი დაიბარეს.
