ლეიბორისტული პარტია საქართველოში განხორციელებული ტერაქტების ხელახალ, ამჯერად ამერიკის შეერთებული შტატების კონგრესისა და ევროპარლამენტის მიერ გამოძიებას მოითხოვს.
"ლეიბორისტული პარტიის ოფისში ადამიანის მსხვერპლით დასრულებული პოლიტიკური ტერაქტი, აგრეთვე თბილისში მომხდარი აფეთქებების სერია, მათ შორის აშშ-ის საელჩოსთან მომხდარი აფეთქება ორგანიზებული იყო პრეზიდენტ სააკაშვილის სპეცსამსახურების მიერ. გახმაურებულ ვერსიებს ვუცხადებთ უნდობლობას და მოვითოვთ, რომ მოხდეს საქმის ხელახალი გამოძიება და ქვეყანაში აშშ-ის კონგრესისა და ევროპარლამენტის დეპუტატთა ჯგუფი ჩამოსვლას, რომელთაც ყველა მტკიცებულებას გავაცნობთ", - განაცხადა პარტიის ლიდერმა შალვა ნათელაშვილმა დღეს გამართულ პრესკონფერენციაზე.
მან ის მიზეზებიც განმარტა, რის გამოც ხელისუფლებას აფეთქებების სერია უნდა დაეგეგმა.
"ამის სამი მიზეზი არსებობს: რუსეთისა და შეერთებული შტატების ურთიერთობების დაძაბვა, ხელისუფლების მმართველობის გახანგრძლივება და ალიბის შექმნა მომავალში დაგეგმილი ტერაქტების წინ", - დასძინა ნათელაშვილმა.
შეგახსენებთ, რომ საქართველოში სექტემბერ-ნოემბერში განხორციელებული აფეთქებები გახსნილია. შინაგან საქმეთა სამინისტროს თანამშრომლებმა აფეთქებების სერიის ორგანიზებაში, შესრულებასა და ხელშეწყობაში ეჭვმიტანილი 6 პირი დააკავეს, 2-ზე კი ძებნა გამოაცხადდა. ოფიციალურად დადასტურებულია, რომ აფეთქებების დამკვეთი და ორგანიზატორი რუსეთის თავდაცვის სამინისტროს გენერალი ევგენი ბორისოვი იყო.
