სამორინეში და სათამაშო აპარატების სალონში შესასვლელად პირადობის მოწმობის წარდგენა საჭირო აღარ იქნება. აღნიშნულთან დაკავშირებით ცვლილება შედის "ლატარიების, აზარტული და სხვა მომგებიანი თამაშების მოწყობის შესახებ" კანონში.
კანონპროექტის თანახმად, კანონის 32-ე მუხლის პირველი პუნქტში შედის ცვლილება, რომლის მიხედვითაც, აზარტულ ან/და მომგებიან თამაშების ორგანიზატორი ვალდებულია პირადობის დამადასტურებელი დოკუმენტის მეშვეობით უზრუნველყოს მოწყობის ადგილებში შესული პირის ასაკის დადგენა იმ შემთხვევაში, თუ გონივრულად შესაძლებელია ვარაუდი, რომ მისი ასაკი არ აკმაყოფილებს ამ მუხლით დადგენილ მოთხოვნებს.
ამავე მუხლში ჩადებულია, რომ 21 წლამდე პირისთვის სამორინეში, ხოლო 18 წლამდე პირისთვის სათამაშო აპარატების სალონში ან/და მომგებიანი თამაშობების (გარდა წამახალისებელი თამაშებისა) მოწყობის ადგილებში შესვლა ან/და თამაშებში მონაწილეობა აკრძალულია.
ამავე კანონი შედის კიდევ ერთი ცვლილება, კერძოდ, 35-ე მუხლს ემატება მე-2 პუნქტი, რომელიც ადგილობრივი თვითმმართველობის ორგანოს აძლევს უფლებას, განსაზღვროს ტერიტორიული ზონები, შენობა-ნაგებობების ჩამონათვალი და პირობები, რომლებიც უნდა აკმაყოფილებდეს აზარტული ან/და მომგებიანი თამაშების მოწყობას.
